Pienso, luego existo - Beatriz Preciado

-

Bideoa eta ideiak

Beatriz Preciado gaur egungo filosofian presentzia oso garrantzitsua duen aditua da., bereziki ezaguna transgenoro teorien arloan. Klasean bere bizitzaren eta ikuspegiaren errepasoa den bideoa ikusi dugu. Zentzu askotan Preciadore ikuspegiarekin bat nator eta hainbat ideia interesgarri iruditu zaizkit.

  1. Iraultza beharrezkoa da. Biolentzia bera beharrezkoa da, biolentzia fisikoa ez dena noski (No hablo de cortar cabezas, ya se han cortado suficientes). Preciadok biolentziaren ideia kontzeptualizatzen du. Aldaketarako metxa pizten duela dio, eta metxa horietako edozein iraultza berri baten hasiera izan daiteke.
  2. Askatasuna asmatzeko dago oraindik, ez da existitzen.
  3. Subjetibitatea bide eta forna berriak sortzeko aukera da.
  4. Ihes egiten egon behar gara etengabe. Ihes egitea ez da errealitatea saihestea, gauza berriak bilatzea baizik.
  5. Gorputza eta sexualitatea testu bat dira. Gorputza diskurtso arautuek goitik behera sakralizatutako eta mugaturiko testua da.
  6. Heterosexualitatea eta homosexualitatea ez dira existitzen, fikzio eraikia da. Asmakizun zientifikoa da, kontzeptu mediku-juridikoa. Asmakizun horrek sexualitatea eta ugalketaren artan erregimen politikoa sortu du, guztiok onartu dugun erregimena eta gure gorputzen kontrola hartzen duena.
  7. Guar egungo gizarteak gorputzak kontrolatzen ditu. Kontrol horren formak asko dira: kapitalismoa, komunismoa...
  8. Gorputzak desnaturalizatu behar ditugu. Etengabekoak izan dira gorputza desexualizatzeko saihakerak. Plazerra eskaintzen duten arloak mugatu nahi izan dituzte (erlijioak, tradizioak...
  9. Utopiak berriak asmatu behar ditugu. Utopia tradizionalek gorputz kementsuak eta erasokorrak aurkezten dituzte. Utopia heroiko horiek atzean uzti behar ditugu.
  10. Iraultza feminista eredu indartsua da. Honen ardatza gorputz zaurgarria eta sentibera da. Honela, gorputz desgaituak, desbideratuak... ere bere errebindikazioaren barne geratzen dira. Hau heroiena ez den utopia berri bat marrazteko aukera da: hiritarren utopia.

Eskolen papera gorputzen normalizazioan

Gaur egun, normalizazioak dena arautzen du. Nola izan, nola sentitu eta nola bizi behar garen agintzen digu. Normalak ez diren patroiak ez dira onartzen. Are gehiago, gizarteak normaltasun falta zigortzen du. Desberdina izateak harrapakin bihurtzen gaitu.
Eskolak normalizazio horren kontra egin beharko luke. Eskoletan parte hartze aktiboa eta dinamismoa bultzatu beharko litzateke. Hezkuntza esanguratsua izateko gorputzen inplikazioa ezinbestekoa da. Gorputzak zikindu eta nekatu behar dira ikasteko.

Eskolak mugimendu hori sustatu beharko luke. Horretarako eskolako espazioak askatu behar dira. Gelako espazioa saturaturik dago gaur egun. Mahaiak, alkuiak, arbela... Espazio hori askatu eta gela zabalagoak sortu behar ditugu.

Halaber, eskola sexualitatea modu zabal eta irekian lantzen duen eremua izan beharko litzateke. Hezkiketa sexuala beharrezkoa da. Txikitatik naturaltasunez ikasi behar dugu sexuaren inguruan, gai honen inguruan sortu den araudi zorrotza apurtzen hasteko eta tolerantzia indartzeko.

Iruzkinak

Argitaratu iruzkina

Blog honetako argitalpen ezagunak

Zer da didaktika?

-
Berez, definizioa ematea ez da zaila. Hezkuntza zientzien eskema begiratu baino ez dugu egin behar Didaktika definizioz zer den jakiteko. Didaktika hezkuntza zientzia aplikatzailea da; pedagogiak zehaztutako teoria eta helburuak jarraitu eta hezkuntzaren teknikak eta praktikak aztertzeaz eta garatzeaz arduratzen den pedagogiaren arlo aplikatua. Hori definizio teknikoa litzateke, edozein entziklopediak emango lukeena. Baina guretzat ez da nahikoa. Definizioaren espezifikotasuna dela eta, ezinezkoa da horren bidez Didaktikak bere barruan hartzen duen guztia azaltzea. Didaktika benetan zer den ondo ulertzeko beharrezkoa da honen munduan sartu eta barruan hartzen dituen ideia eta kontzeptu ezberdinen artean murgiltzea. Eta horixe da nik da egingo dudana; ikasitako kontzeptu nagusiak gogoratu eta horien arteko konexioak ezarri, azalpen osoagoa eskaintzeko. Curriculuma da azaldu beharreko kontzeptu nagusietako bat. Hezkuntza bi azpi-prozesuk osatzen dute: irakaskuntza eta ikaskuntza. B...
Irakurri informazio gehiago

Metodologia Aktiboak

-
Hezkuntza egiteko modu oso desberdinak daude. Metodologia esaten zaie hezkuntza praktika egiteko erabiltzen diren teknika eta estrategiei . Estrategia horiek diseinatzeak barne hartzen du irakasle zein ikasleek egin beharreko jarduerak ezartzea, ikasle eta irakasleak edukiez jabetzeko eta proposatutako jomuga pedagogikoak lortzeko. Hortaz, metodologiak hezkuntza helburuak eta edukiak lotzen dituen curriculum-aren zaitia dela esan dezakegu. Zati horrek bere baitan hartzen ditu estrategia metodologikoa, espazioaren banaketa, denboraren banaketa, baliabideak, aniztasunari arreta... Eredu tradizionalaren metodologiarekin apurtu eta ikasleen rol aktiboaren alde egiten duten metodologiak dira metodologia aktiboak. Gaur egun, proposamen ezberdin asko egin dira, horien artean ezagunenetariko batzuk ikaskuntza kooperatiboa, kasuetan oinarritutako metodologia, arazoetan oinarritutako metodologia eta proiektuetan oinarritutako metodologia ditugu. Hurrengo aurkezpen dokumentuan, metodolo...
Irakurri informazio gehiago

Zer da Curriculuma? Motak? Zehaztapen mailak?

-
Irudia
Hezkuntza bi azpiprozesuk osatzen dute: irakaskuntza eta ikaskuntza. Bi hauek elkarrekin lotuta daude eta elkar elikatzen dute. Curriculum-a, berez, ikasten dugun guztia da. Ideia bi horiei erreparatzen badiegu azpimarratu beharreko zerbait azaltzen da; irakasten dena eta ikasten ez dena ez da curricumaren barne sartzen. Airean geratzen den guzti hori ez dugu barneratzen, eta, hortaz, ezin da ikasitako multzoaren barne sartu. Hala ere, baditu Curriculum termiroarentzat aditu ezberdinek proposatutako definizio landuagoak eta teknikoagoak, horien artean, J. Sarramonak emandakoa. Latinetik datorren hitz horrek "bidea" esan nahi du berez, baina autorearen hitzetan, kontzeptua definitzeko erabiltzen den hezkuntza barruko begiradaren arabera hitzak esanahi ezberdinak hartzen ditu. Ikasleen ikuspuntutik hitzak duen esanahia hurrengoa da: hezkuntza arloko maila jakin bat edo unibertsitate ikasketak lortzeko behar diren ikasgaien eta jardueren multzoa.  Irakasleen ikuspuntutik b...
Irakurri informazio gehiago